Substantziarik gabeko adikzioa da, eta ausazko jokoetan jokatzeko behar kontrolaezinean datza. Jokabidearen gaineko kontrola galtzen da, kalte eta ondoez nabarmena eragiten dizkio pertsonari eta bizitzako arlo guztietan eragiten du: sozialean, laboralean, ekonomikoan eta emozionalean.

Sintomak askotarikoak dira, besteak beste, gero eta kantitate handiagoak jokatzeko premia, bestelako arazo edo ezinegon batek bultzatuta jokatzea, isolatze soziala, suminkortasuna… Orrialde honetan, autoebaluazio test orientagarri bat egin dezakezu. Hainbat pista emango dizkizu.

Jar zaitez profesionalen eskuetan. Kontaktatu elkartearekin eta informa zaitez. Autodebekua eska dezakezu, joko-lokaletarako eta online jokoetarako sarbidea galaraz diezazuten. Zure osasun etxean, oinarrizko osasun laguntzako medikuari ere kontsulta diezaiokezu.

Heziketa funtsezkoa da. Lantegiak egiten ditugu ikastetxeetan gazteak hausnartzera bultzatzeko eta gaitasun kritikoa sortzeko, prebentzio-tresna gisa. Familiei eta osasuneko, hezkuntzako eta gizarte-laneko profesionalei prestakuntza eskaintzen diegu.