Duela gutxi, enpresa batekin elkarrizketa bat izan dugu, joko-arazoak dituzten pertsonentzat sortutako zerbitzu bat ezagutzera emateko. Gamban da, mundu osoko webguneak eta ausazko jokoen aplikazioak blokeatzen dituen zerbitzua. Oraingoz 60.000 webgune eta aplikazio ditu identifikatuta, eta etengabe eguneratzen jarraitzen da, askotan erabiltzaileek ematen duten informazioarekin; izan ere, joko-plataformek, identifikatuta eta blokeatuta daudela nabaritzen dutenean, IP berriak sortzen dituzte, blokeo posiblea «engainatzeko».
Tresna eta haren ezaugarriak aztertu ditugu, eta interesgarria iruditzen zaigu ezagutzea; izan ere, DGOJren Debekuen Erregistroan autodebekuaren aukera osagarria izan daiteke, hori Espainian jarduten duten online joko-moduei soilik eragiten baitie. Zerbitzu honek, nahiz eta ez oso handia, kostu bat du. Pertsona bakoitzak erabakiko du interesatzen zaion, eta zuzenean plataformarekin egin beharko du kudeaketa.
Autodebekuak arazoari irtenbidea ematen ez dion arren, jokoaren abstinentzian laguntzen duen neurria da, ludopatia duten pertsonen errehabilitazio-prozesuetan urrats garrantzitsua.
Orrialdera sar zaitezke HEMEN sakatuz gehiago jakiteko.
