Historia

ARALAR elkartea jokoarekin arazoak zituzten hainbat gizon-emakumek eta haien familiek sortu zuten 1996an, Nafarroan, ludopatia izeneko adikzio horren aurka elkarrekin borrokatzeko.

Urte hauetan guztietan, elkarteak eraldaketa handia izan du, baina baita ausazko jokoarekin, jokoaren industriarekin, haren arautzearekin eta ludopatiaren tratamenduarekin lotutako guztiak ere. Hortaz, Aralarreko kideok gure lana errealitate berri horietara egokitu dugu.

Jokorako adikzioa ez da inondik inora gutxitu; areagotu egin da. Eta pantailen erabilera zabaltzeak, kirol apustuak agertzeak eta joko-aretoak ugaritzeak lagundu egin dute horretan. Jokoarekiko harremana ere aldatu egin da: online jokatzeko aukera klik batera dago eta egunetik egunera eskuragarriagoa da, ordutegirik gabe, bakardadean. Gazte askorentzat aisialdiaren parte da, eta geroz eta adin goiztiarragoetan hasten dira ausazko jokoetan dirua erabiltzen.

Soilik adikzio horren, ludopatiaren, aurka borrokatzen duen Nafarroako elkarte bakarra.

29

Urte

joko-arazoen kontra borrokatzen

254

pertsona eta familia

artatuta eta haiekin lanean

229

talde-terapiako saioak

2024an

154

Informazio-eskaerak

urtean behin ebatzita

Mugarriak

Online jokoa legeztatzea,  pantailen normalizazioarekin eta Interneten erabilera hedatzearekin lotura duen modalitatea.

Nafarroan III. Prebentzio Plana: Drogak eta adikzioak 2018-2023 onestea. Izenburuan lehenengo aldiz “adikzioak” hitza jasotzen du, haren fokoan jokabide-adikzioak, ludopatia kasu, ere barne hartuz.

Aralar arlo horretan erreferente bihurtu da jada. Urte horretan, Nafarroako Gobernuaren aipamen berezia jaso zuen, Gazteriaren Arloko Sarien barruan, egindako ibilbide eta lanarengatik.

Nafarroan Jokoaren Legea onestea, hain zuzen ere, 2006koa zen eta ordura arte indarrean egon zen legeak jasotzen ez zituen alderdiak arautzeko.

Onartzen da 176/2023 Errege Dekretua, martxoaren 14koa, joko-ingurune seguruagoak garatzen dituena. «Garzón Legea» izenez ezaguna.

250 pertsona, jokozaletasunaren aurka lanean diharduten autonomia erkidegoetako elkarte ezberdinetatik etorriak, FEJARren 24. Kongresuan parte hartzen dute, Iruñean ospatua.

Aprobación del Reglamento del Juegoen Navarra para regular, entre otros, el control de acceso a locales de juego y máquinas de apuesta deportiva en Hostelería.

Ardatz estrategikoak

Gure 2021-2024 Plan Estrategikoan jasotzen duen moduan, Aralarren azken helburua joko patologikoa pairatzen duten pertsonen eta haien familien bizi-kalitatea hobetzea da, horretarako LAGUNTZA eta PREBENTZIOA eskainiz.

Aralar erakunde gisa garatzeko ezinbestekoa da erakundea osatzen duten pertsonak eta horien euskarri diren antolaketa ereduak kontuan hartzea. Giza kapitala indartzeak parte hartzen dutenen gaitasunak, konpromisoa eta ongizatea bultzatzea dakar, arreta berezia jarriz talde teknikoaren gogobetetze-mailari, talentua atxikitzeko eta proiektuaren jarraitutasuna bermatzeko ezinbesteko baldintza baita.

Aldi berean, gobernantza sendo, parte-hartzaile eta gardena funtsezkoa da koherentzia estrategikoa, iraunkortasuna eta barneko zein kanpoko konfiantza bermatzeko.

Aralarren bilakaerak eskaera sozial berriei erantzutea eta lurraldean duen papera indartzea eskatzen du, zerbitzu eskaintza zabalago eta espezializatuago baten bidez.

Ardatz horrek, beraz, esku hartzeko arlo berriak aztertzea, eskuratutako esperientzia sendotzea eta dauden zerbitzuetan berrikuntza sustatzea dakar.

Aralarren lana ez da zuzeneko arretara mugatzen, baizik eta ikusgarritasun eta sentsibilizazio komunitarioaren aldeko konpromisoa eskatzen du. Adikzioaren errealitatea osasun-arazo gisa erakustea, iritzi moralik gabeko diskurtsoak sustatzea eta enpatia soziala bultzatzea ezinbesteko urratsak dira estigma murrizteko.

Aralarren jasangarritasuna, neurri handi batean, administrazio publikoekin lotura sendoak sendotzeko eta, aldi berean, finantziazio iturriak dibertsifikatzeko duen gaitasunaren menpe dago. Administrazioarekin harreman gardena, egonkorra eta konfiantzan oinarritua izatea funtsezkoa da programen jarraitutasuna eta jokoarekiko mendekotasuna duten pertsonentzako arretaren kalitatea bermatzeko.

Balioak

Eskarmentu handiko erakunde sendoa, sortu ginenetik mugiarazten gaituzten eta gure jarduketak integratzen dituzten balio sendoak dituena.

  • KONFIDENTZIALTASUNA eta ERRESPETUA elkarteko pertsonek eta familiek bizi dituzten prozesu pertsonalekiko.

  • GARDENTASUNA burutzen ditugun jarduketetan.

  • ELKARREN ARTEKO LAGUNTZA, erabiltzaileen artean.

  • Erabiltzaileen AUTONOMIA hobetzea.

  • Bizitza sozialean PARTE HARTZEA eta INTEGRATZEA sustatzea.

  • KONPROMISOA erabiltzaileekin, haien familiekin eta gizartearekin.

  • Partekatutako EZAGUTZA.

Lantaldea

Guztion artean ARALARek funtziona dezan ahalbidetzen dugu.

Hasiera batean boluntarioek sostengatzen zuten erakunde hura handitu eta profesionalizatu egin da. Gaur egun, lantalde profesional bat du, bi psikologok eta kudeatzaile batek osatzen dutena, baina sortu zeneko filosofiari eusten dio, boluntarioei funtsezko eginkizuna esleituz, baina baita elkartekideei ere, elkartearen euskarriak diren aldetik.

Teresa Burgui

Kudeatzailea

Prestakuntzaz kazetaria da eta bere lan ibilbidearen zati handi bat gizarte erakundeetan garatu du, Madrilen zein Nafarroan. Aralarren entitateak egunerokoan funtziona dezan beharrezkoa den guztiaz arduratzen da, finantzazioa bilatzeko proiektuak egitetik hasita, kudeaketa ekonomikora, lantaldea koordinatzera, telefono bidezko informazioa ematera eta are komunikabideak artatzeraino.

“Arlo sozialean lan egitea da zaurgarritasun handiko egoeren lekuko garelako, baina, aldi berean, asegarria da, egiten duenak pertsonen bizitza hobetzen duelako”.

Saioa Yeregui

Psikologo sanitarioa

Adikzioetan eta desgaitasunean espezializatutako psikologo sanitarioa da, eta egiten duen guztian genero-ikuspegia txertatzen saiatzen da. Bere bizitza profesionalean, bi arlo horietan lan egin du hainbat baliabidetan: Gizartea Helburu, Ibarre multzoa, ANFAS, Cáritas-Chavicar, Xilema eta Nafarroako Mugarik Gabeko Elkartea.

Aralarren, prestakuntza-saioak ematen ditu eta banakako zein taldekako terapiak egiten ditu, Amaya lankidearekin batera.

“Inoiz ez da berandu berriro hasteko”.

Inés Murie

Psikologoa

Psikologo gisa haur eta gazteen arloan lan egin du, eta adingabe migratzaileak lagundu ditu foru komunitateari egindako lehen harreran. Baita lan pertsonal bat hasten duten helduei laguntza terapeutikoa ematen ere, «nola funtzionatzen duten konturatzeko» eta zeharkatzen duten zailtasun egoeran modu kontzientean kokatu ahal izateko.

Hirugarren sektoreko erakundeetan aritua: Xilema Fundazioa, Gurutze Gorria, Zakan Sozial…

Aralarren, Saioa eta Amaia kideekin batera, taldeko eta banakako terapiak egiten ditu eta formazioak ematen ditu.

“Gorputzari intuizioz entzutea, emozioa eta arrazoia, pertsona bakoitzaren benetakotasuna ezagutzeko bidea da, eta nire erronka profesionala da leku horretara hurbiltzea, errespetu handiz”.

Amaya Amatriain

Psikologo sanitarioa

Adikzioetan eta sexualitatean espezializatutako psikologoa da, eta etengabe prestakuntza jasotzen ari da ezagutzak hedatzeko. Bere lan-ibilbidearen zatirik handiena adikzioen arloan egin du, Aralar eta Gizartea Helburu elkarteetan, baina adimen-desgaitasunaren eta haur eta gazteen arloetan ere lan egin du, askotariko baliabideetan: ANFAS, Las Hayas Desgaitasunari Arreta Integrala Emateko Zentroa, Xilema, TDAH Sarasate…

Aralarren, banakako eta taldekako terapiak egiten ditu eta prestakuntza-saioak ematen ditu, Saioa lankidearekin batera.

“Beti da atsegingarria dena galdu dutenei itxaropen-izpi bat eman ahal izatea eta aldaketa positibo bat egiten laguntzea”.

Saioa Bariain

Psikologo sanitarioa

Adikzioetan eta generoan espezializatutako psikologoa da, eta bitartekaritzako prestakuntza du. Bere ibilbide profesionalean adikzioen hainbat baliabidetan lan egin du, hala nola Antoxen, eta gaur egun Aralarren egiten duen lana genero indarkeriaren biktimei eta erasotzaileei ematen dien arretarekin uztartzen du, baita larrialdiei arreta ematen ere Psimae-Psikologia Juridiko eta Forentsearen Institutuan.

Aralarren, Amaia, Saioa eta Ines kideekin batera, taldeko eta banakako terapiak egiten ditu eta formazioak ematen ditu.

“Laguntza eskatzeak ez zaitu ahul egiten, sendotasun eta ausardia ekintza bat da”.

Jardueren memoria

Aralarrek gauzatutako jarduera eta ekimen guztien bilduma.

Erakunde laguntzaileak

Aralar Elkarteak elkartekideei eta hainbat erakunde pribatu zein publikoren laguntzari esker gara ditzake bere proiektu eta ekimenak. Haiei guztiei, mila esker.

Babesleak

Laguntzaileak

Honako hauen kide gara