Une honetan, uztailaren 10era arte, irekita dago Nafarroako Joko eta Apustuen Erregelamenduari ekarpenak egiteko epea. Nafarroako Jokoa eta Apustuen Legearen alderdi asko zehazten eta arautzen ditu agiri horrek, eta joan den urteko uztailean onartu zen haren aldaketa.
Oso prozesu garrantzitsua da; izan ere, legeak Erregelamenduaren mende jarri zuen sektore horren eta haren jardueraren erregulazioari buruzko alderdi asko zehaztea.
Aralarretik hurbiletik jarraitu dugu prozesu osoa eta gure ekarpenak helaraziko ditugu eta gai honen inguruan kezka eta ezinegonik duten guztiei eurenak egiteko gonbitea egiten diegu, herritar guztiei irekita baitago.
Ekarpenak egiteko epea 2023ko ekainaren 12tik uztailaren 10era bitartekoa da, eta horretarako gaituta dagoen sarean egin behar da, HEMEN sakatuz.
Prozesua: uztailaren 10era arte.
Jokoari buruzko abenduaren 14ko 16/2006 Foru Legea aldatzen duen uztailaren 1eko 21/2022 Foru Legearen azken xedapenetatik lehenengoak ezartzen duenez, Nafarroako Gobernuak, urtebeteko epean, behar diren xedapenak eman behar ditu Nafarroan apustuak erregelamendu bidez garatzeko, eta, ondoren, azken xedapenetatik bigarrenean ezartzen du epe berean eguneratu behar direla 16/2006 Foru Legea onartu zenean indarrean zeuden erregelamendu bidezko garapenak.
Legezko manuaren aurrean, Nafarroako Gobernuak erregelamendu-testu bakar bat egiteko prozedura hasi du, bi errekerimenduak betetzeko, eta hori guztia azken testu adostu bat lortzeko helburuarekin, teknikoki aurreratua eta joko arduratsuaren printzipioei eta adingabekoen eta beste kolektibo zaurgarriak, joko praktika patologikoetan bihurtu daitekeenarengandik, babestearen printzipioak jarraituz.
