Aralarrek bilera egin du Amparo López Antelo kontseilariarekin, Nafarroako Gobernuko Barne, Funtzio Publiko eta Justizia Departamentuko arduradunarekin.
Departamentu honek Nafarroan jokoa arautzeko eskumenak ditu, baita ikuskaritzakoak ere.
Aralarrek, Raquel Pardo del Burgo presidentearen bitartez, Joko Araudia lehenbailehen indarrean jartzeko beharra azaldu zuen, joko-lokaletara sartzeko kontrola eraginkorra izan dadin. Aralarren eskaera historikoa da, eta 2020an legea aldatu zenetik atzeratzen ari da. Orain, beste atzerapen bat du, gobernuak berriro jendaurrean jarri baitu, nahiz eta 2023ko abenduan Jokoaren Kontseiluak onartu. Aralarrek talde ahulenak, pertsona autodebekatuak eta adingabeak babesteko beharrezkoak diren neurri guztiak hartzeko apustua egiten jarraituko du.
Bileran izan zen, halaber, Espainiako Errehabilitatutako Jokalarien Federazioko (FEJAR) presidentea, Maximo Gutierrez, eta Iruñera joan zen bilera hori egiteko eta FEJARen Estatuko Kongresua prestatzen hasteko, irailaren 20an eta 22an, Iruñean.
Nafarroako Gobernuak igorritako prentsa oharra HEMEN.
